ALBERTUS cogn. Alcibiades Germanicus

ALBERTUS cognomine Alcibiades Germanicus

fil. Casimiri, Culmbacensis lineae auctoris, Fridericô praefatô geniti, coniunctis studiis fere semper cum Mauritio Saxone, aequali suo, Caesari militavit: foederis dein contra Ioh. Fridericum Electorem Saxoniae et Philippum Hassiae Landgravium icti Dux, A. C. 1547 Rochliciae captus est. Inde liber Magdeburgum A. C. 1552. cum Mauritio obsedit; cuius, cum adversus Caesarem moveret, iterum comes sociusque fuit. Re postea ad transactionem spectante, Magistrum Teutonicum, Norimbergenses, Bambergensem, herbipolitanum, Spirensem, Vormatiensem, Episcopos: Moguntinum item ac Trevirensem Archiepiscopos, ditionibus misere, incendiis et ferrô, vastatis, ad iniquas adegir conditiones: tantô sui terrore sparsô, ut quacumque incederet, diffugerent, aut mutatâ veste ordinem dissimularent Sacerdotes: Nec Passaviensi transactione voluit comprchendi. Tum Lucemburgensis Ducis, et Lotharingiâ vexatâ, Regis Franciae nomine praetensô: tandem Caesari reconciliatus, Aumalium ad Mussipontem vicit cepitque: cum autem per Franconiam iterum grassari inciperet, ei a Ferdinando Rege Romanorum bellum denuntiatum, ipseque praeliô ad Sivershusam, a Mauritio superatus est A. C. 1553. Nihilominus continuatô bellô, ad Brunsuicam iterum profligatus, moli succubuit: novâque proscriptione A. C. 1554. territus, in Galliam se recepit: tandem, Regis intercessione, acceptâ publicâ fide, in Germaniam redux A. C. 1557. ex taedio fortunae, et vita intemperanter acta morbô contractô, decessia Pfortshemii, A. C. 1557. Vide Sleidan. l. 25. Thuan. l. 11. et 19.